काठमाडौंमा जारी साफ यू–१९ फुटबल च्याम्पियनसिपमा माल्दिभ्सविरुद्ध नेपालले २–० अग्रता लिएको छ ।
काठमाडौंस्थित दशरथ रंगशालामा जारी खेलको पहिलो हाफमा नेपालले दोब्बरको अग्रता लिएको हो । नेपालले पहिलो हाफमा दुई गोल गरेको छ । नेपालका लागि १८औँ मिनेटमा प्रशान्त लक्क्षम र ३०औँ मिनेटमा समिर तामाङले गोल गरे ।
पहिलो खेल नेपालले पाकिस्तानसँग १–० को हार बेहोरेको थियो । सेमिफाइनल पुग्न नेपालले आजको खेल जित्नैपर्ने हुन्छ ।
प्रतियोगिताको समूह ‘ए’ मा नेपाल, माल्दिभ्स र पाकिस्तान छन् । अर्को समूहमा भारत, भुटान र बंगलादेश छन् । प्रतियोगिताको सुरुआती दुई संस्करण नेपालले जितेको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।