फुटबल वल्र्ड कप–२०२६ क्वालिफायर्स एसिया जोन राउण्ड–१ अन्तर्गत लाओससँगको खेलका लागि नेपाली राष्ट्रिय फुटबल टोलीले तयारी तीव्र पारेको छ ।
असोज २५ गते दशरथ रंगशालामा हुने लाओससँगको खेलका लागि तयारी तीव्र पारेको हो । फिफा बरीयतामा लाओस १८६औँ र नेपाल १७५औँ स्थानमा छन् ।
मुख्य प्रशिक्षक भिन्सेन्जो अल्र्बटो एनेसले हाल २५ सदस्यीय नेपाली टोलीलाई बन्द प्रशिक्षणमा राखेर तयारी गरिरहेका छन् । प्रशिक्षकले मंगलबार अभ्यासका क्रममा तयारी राम्रो रहेको बताए । लाओससँग खेल्नका लागि आफूहरु सबै किसिमले तयार रहेको उनले बताए ।
त्यस्तै, खेलाडी रोहित चन्दले नेपाल र लाओस एकै स्तरको टिम भएकाले राम्रोसँग खेल्नुपर्ने बताए । तयारी राम्रो भएको र नयाँ खेलाडी भएकाले जोश जाँगर रहेको उनले बताए । नयाँ खेलाडीलाई आफूहरुको अनुभव सिकाउने बताउँदै उनले लाओससँगको म्याचमा फोकस र एक वर्ष व्यस्त हुने भएकाले लाओससँग जित्नेगरी खेल्ने बताए ।
नेपाल र लाओसबीचको खेलका लागि टिकटदर साधारण पाराफिटतर्फ तीन सय र भिआइपी पाराफिटतर्फ पाँच सय कायम गरिएको छ । खेलको टिकट एन्फा आफैँले बिक्री गर्नेछ । सो प्रतियोगिताका लागि ७३ लाख ६८ हजार चार सय खर्च हुने अनुमान गरिएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
