नेपाली कांग्रेसका महामन्त्री गगनकुमार थापाले फागुन १ गतेलाई ‘जनयुद्ध’ दिवस नमान्ने बताएका छन्। नेकपा (माओवादी)ले सशस्त्र द्वन्द्व सुरु गरेको दिन फागुन १ मा माओवादी केन्द्रका अध्यक्ष पुष्पकमल दाहाल नेतृत्वको सरकारले सार्वजनिक बिदा दिने निर्णय गरेको थियो।
२०७९ माघ २९ मा भएकाे साे निर्णय मान्न कांग्रेस बाध्य नहुने महामन्त्री थापाले बताए । आफ्नो पार्टी सामेल नभएको त्यतिवेलाको सरकारले दिएको सार्वजनिक बिदालाई नमान्ने उनकाे तर्क छ ।
'हामी अघिल्लो सरकारमा थिएनौं। यो सरकारले फागुन १ गते जनयुद्ध दिवस मनाउँछु भनेर बिदा दिन्छु भन्यो भने कांग्रेसले हामी गठबन्धनमा छौँ, यसलाई मान्छौं भनेर स्वीकार गर्न सक्छ ? सक्दैन,' महामन्त्री थापाले भने, 'हाम्रा लागि त्यो सैद्धान्तिक विषय हुन्छ। हामी फागुन १ लाई दिवसको रूपमा मान्दैनौँ।'
द्वन्द्वपीडितले फागुन १ मा बिदा दिने सरकारको निर्णय विरुद्ध सर्वोच्च अदालतमा रिट दायर गरेका छन् । साे रिट विचाराधीन छ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
