भारतमा जारी आइसिसी एकदिवसीय विश्वकपमा न्यूजिल्याण्डविरुद्ध अस्ट्रेलियाले आक्रामक सुरुवात गरेको छ ।
धर्मशालास्थित हिमाञ्चल प्रदेश क्रिकेट संघ स्टेडियममा टस हारेर ब्याटिङको निम्तो पाएको अस्ट्रेलियाले पावरप्ले (सुरुवाती १० ओभर) मा आक्रामक सुरुवात गरेको हो ।
अस्ट्रेलियाले ११ ओभरमा बिनाविकेट १२४ रन बनाएको छ । उसका लागि डेविड वार्नर ६६ र ट्रभिस हेड ५५ रनमा अविजित छन् ।
जारी विश्वकपमा अस्ट्रेलियाले पाँच खेलमध्ये तीनमा जित र दुई खेलमा हार बेहोरेको छ । ऊ ६ अंकका साथ चौथो स्थानमा छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
