भारतमा जारी आइसिसी एकदिवसीय विश्वकप क्रिकेटमा आज बंगलादेश र पाकिस्तान खेल्दै छन् । यी दुई टोलीबीचको खेल दिउँसो २ः१५ देखि कोलकातास्थित इडेन गार्डेन रंगशाला सुरु हुनेछ ।
जारी प्रतियोगितामा पाकिस्तानले ६ खेल खेल्दा २ खेलमा मात्र जित निकालेको छ । ६ खेल नै खेलेको बंगलादेशले एक खेल मात्र जित्न सकेको छ । यी दुवै टोली आज जित निकाल्दै अंक तालिका सुधार गर्न चाहन्छन् ।
सेमिफाइनलमा सम्भावना जीवितै राख्न पाकिस्तानका लागि आजको खेल निकै महत्वपूर्ण छ । पाकिस्तान अहिले ४ अंकका साथ तालिकाको सातौँ स्थानमा छ ।
यस्तै, २ अंक मात्र जोडेको बंगलादेश नवौँ स्थानमा छ । पछिल्लो पाँच एकदिवसीय खेलमा बंगलादेशले तीन र पाकिस्तानले दुई खेलमा जित हासिल गरेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।