नेपाली कांग्रेसका महामन्त्री विश्वप्रकाश शर्माले टिकटक बन्द गर्ने सरकारको निर्णय अविलम्ब फिर्ता लिन माग गरेका छन् ।
मन्त्रिपरिषद्को सोमबारको बैठकले नेपालमा टिकटक तत्कालका लागि बन्द गर्ने निर्णय गरेको थियो । यसरको विरोध गर्दै कांग्रेस महामन्त्री शर्माले ‘गर्धनमा पिलो आयो भने गर्धन नै काट्ने कि जोखिम रहित उपचार खोज्ने प्रधानमन्त्रीज्यू ?’ भन्दै प्रश्न गरेका छन् ।
‘आज टिकटक बन्द, भोलि फेसबुक बन्द, पर्सि कसैले भनिदेला लोकतान्त्रिक शासन प्रणालीले देश बिग्रियो भनेर तब के गर्ने लोकतान्त्रिक प्रणालीनै भंग गरिदिने ? उनले प्रश्न गर्दै भनेका छन्, ‘ सरकार स्पष्ट होस्, राज्यले ‘स्वच्छन्दता’ नियन्त्रण गर्ने हो ‘स्वतन्त्रता’ नियन्त्रण गर्ने होइन !’
सामाजिक–धार्मिक सहिष्णुताको रक्षा समाजको आत्मानुशासन र सरकारको सुशासनले हुने भन्दै उनले सामाजिक सञ्जाललाई आत्मानुशासनमा कसरी ल्याउने, खुला छलफल गर्न र तार्किक निष्कर्ष पहिल्याएर पालना गर्न आग्रह गरेका छन् ।
उनले सामाजिक द्वेष फैलाउनेलाई पहिचान गरेर , नियम बनाई त्यही व्यक्तिको मात्रै टिकटक बन्द गर्न आग्रह गर्दै बुँदागत सुझाब दिएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
