काठमाडौंमा जारी नेपाल सुपर लिग (एनएसएल) २०२३ मा आज पहिलो क्वालिफायर खेल हुँदैछ । पहिलो क्वालिफायरमा शीर्ष स्थानको पोखरा थन्डर्स र दोस्रो स्थानको धनगढी एफसी भिड्दै छन् ।
यी दुई टिमबीचको खेल त्रिपुरेश्वरस्थित दशरथ रंगशालमा साँझ साढे ५ बजे सुरु हुनेछ । आजको खेल जित्ने टिमले फाइनलको यात्रा गर्नेछ । पराजित हुने टिमलाई फाइनल पुग्ने अर्को मौका मिल्नेछ ।
पहिलो क्वालिफायरको पराजित टिमले एलिमिनेटर खेलको विजेताको सामना गर्नेछ । एलिमिनेटर खेलमा मंगलबार काठमाडौं रेजर्स र ललितपुर सिटी एफसी खेल्नेछन् ।
पहिलो सिजनमा शीर्ष चारमा पर्न नसकेको पोखराले जारी सिजनमा भने उत्कृष्ट प्रदर्शन गर्यो । लिग चरणमा उसले ८ मध्ये ४ मा जित ३ मा बराबरी र १ खेलमा हार बेहोर्यो । पोखरा १५ अंकका साथ शीर्ष स्थानमा रह्यो ।
साबिक उपविजेता धनगढीले तीनमा जित चारमा बराबरी र एक खेलमा हार बेहोर्यो । ऊ १३ अंक जोडेर दोस्रो रह्यो । लिग चरणमा पोखरा र धनगढीले १–१ गोलको बराबरी खेलेका थिए ।
क्वालिफायर खेलमा भने यी दुई टिम उत्कृष्ट प्रदर्शन गर्दै उपाधि नजिक पुग्न चाहन्छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
