पूर्वको झापा र पश्चिमको कञ्चनपुरबाट २३ दिन पैदल हिँडेर काठमाडौं आएका मिटरब्याज पीडित एक सातादेखि काठमाडौंमा धर्नारत छन् । उनीहरू कहिले खाली खुट्टाले पैदल हिँडेर मार्च गर्छन्, त कहिले संसद् भवनको दैलो ढकढक्याउँछन् ।
आफूहरूले न्याय नपाएसम्म धर्ना र प्रदर्शन गरिरहने उनीहरूको अडान छ । दिनभर सडकमा प्रदर्शन गर्ने मिटरब्याज पीडित हिउँदको ठण्डीमा काठमाडौंमा कसरी बसिरहेका छन् भनेर कुनै पनि निकायले चासो लिएको छैन । उनीहरू दिउँसो होस् वा राति भृकुटीमण्डपमा एउटै त्रिपालभित्र चिसो भुइँमा पल्टिएर थकान मेटाइरहेका छन् ।
सरकारले पटकपटक समस्या समाधान गर्ने आश्वासन दिए पनि आफूहरूले न्याय पाउने अवस्था नबनेको उनीहरूको भनाइ छ । यसपटक आफूहरूलाई न्याय सुनिश्चित हुने गरी न्यायिक छानबिन आयोग गठन गर्नुपर्ने उनीहरूको बटमलाइन छ ।
त्रिपालमुनि मिटरब्याजपीडित :
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।