वर्षाका कारण रोकिएको नेपाल र हङकङबीचको खेल पुनः सुरु भएको छ । त्रिकोणात्मक टी–२० सिरिजअन्तर्गत हङकङले ५ ओभरमा एक विकेट गुमाएर ४३ रन बनाएको अवस्थामा पानी परेपछि खेल रोकिएको थियो ।
यो समाचार तयार पार्दासम्म हङकङले ६ ओभरमा एक विकेट गुमाएर ४५ रन बनाएको छ । नेपाललाई पहिलो सफलता करण केसीले दिलाए । उनले पहिलो ओभरको पहिलो बलमै मार्टिन कोएत्जीलाई शून्यमै आउट गरे ।
नेपालले आज पनि टस जितेर पहिला बलिङ गरिरहेको हो । नेपालले आज प्लेइङ–११ मा तीन खेलाडी परिवर्तन गरेको छ ।
नेपालले शनिबार हङकङसँग मैत्रीपूर्ण खेल खेलेका राशिद खान, सागर ढकाल र आकाश चन्दलाई बाहिर राखेर लोकेश बम, करण केसी र अविनाश बोहरालाई मौका दिएको हो ।
दुवै टिम पहिलो खेल जित्दै सिरिजमा सुखत सुरुवात गर्ने योजनामा छन् । सिरिजअघि नेपाल र हङकङले शनिबार मैत्रीपूर्ण टी–२० म्याच खेलेका थिए । सो खेलमा नेपाल ७३ रनले पराजित भयो । नेपाल आज मैत्रीपूर्ण खेलमा बेहोरेको हारको बदला लिने योजनामा छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।