बिहीबार पनि देशभरको मौसम आंशिकदेखि साधारणतया बदली रहने जल तथा मौसम विज्ञान विभागले जनाएको छ । विभागका अनुसार पश्चिमी वायु र स्थानीय वायुको प्रभावका कारण देशको पहाडी भू–भागमा माैसम आंशिकदेखि साधारणतया बदली रहने भएको हो ।
कर्णाली प्रदेशको पहाडी भ–ूभागका थोरै स्थानका साथै कोशी, बागमती, गण्डकी र सुदूरपश्चिम प्रदेशका पहाडी भू–भागका एक/दुई स्थानमा चट्याङसहित हल्का वर्षाको पनि सम्भावना छ ।
त्यस्तै, देशका उच्च पहाडी तथा हिमाली भू–भागका एक/दुई स्थानमा हिमपातको सम्भावना रहेको मौसमविद्ले जनाएका छन् ।
राति कोशी, गण्डकी, कर्णाली र सुदूरपश्चिम प्रदेशका पहाडी भूभागमा आंशिकदेखि साधरणतया बदली रही बाँकी भू–भागमा आंशिक बदलीदेखि मुख्यतया मौसम सफा रहने छ ।
कोशी, गण्डकी र कर्णाली प्रदेशका पहाडी भू–भागका एक/दुई स्थानमा भने चट्याङसहित हल्का वर्षा हुन सक्ने विभागले जनाएको छ ।
देशका पहाडी भू–भागमा मेघगर्जन/चट्याङसहित हल्का वर्षा तथा उच्च पहाडी तथा हिमाली भू–भागमा हिमपातको सम्भावना रहेकाले ती क्षेत्रमा दैनिक जनजीवनमा आंशिक असर पर्न सक्ने भएकाले आवश्यक सतर्कता अपनाउन पनि विभागले अनुरोध गरेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
