नेपाली बजारमा सुनको मूल्यले नयाँ कीर्तिमान कायम गरेको छ । स्थानीय बजारमा आज सुनको मूल्य प्रतितोला एक हजारले वृद्धि भइ हालसम्मकै उच्च मूल्य कायम भएको हो ।
नेपाल सुनचाँदी व्यवसायी महासंघका अनुसार बुधबार प्रतितोला एक लाख ३३ हजारमा कारोबार भएको छापावाला सुन आज एक हजारले बढेर एक लाख ३४ हजार रुपैयाँ बराबरको मूल्य निर्धारण भएको छ ।
तेजाबी सुन बुधबार प्रतितोला एक लाख ३२ हजार तीन सय ५० रुपैयाँमा कारोबार भएकामा आजका लागि भने एक लाख ३३ तीन सय ५० रुपैयाँ बराबरको मूल्य निर्धारण भएको छ ।
चाँदीको मूल्य पनि तोलामा ४० रुपैयाँले वृद्धि भएको छ । बुधबार प्रतितोला एक हजार ६ सय १० मा कारोबार भएकामा आजका लागि भने एक हजार ६ सय ५० रुपैयाँ बराबरको मूल्य निर्धारण भएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।