नेपालकी प्रथम महिला सचिव चन्द्रकला किरणको आज निधन भएको छ । किरणको ९४ वर्षको उमेरमा निधन भएको हो ।
स्वर्गीय किरणको आजै पशुपति आर्यघाटमा दाहासंस्कार गरिएको उनको पारिवारिक स्रोतले जनाएको छ । किरण विसं २००५ सालमा निजामती सेवामा प्रवेश गरेकी थिइन् ।
पछि उनले निजामती कर्मचारी प्रशासनको माथिल्लो नेतृत्व सचिव पदमा पहिलो महिला सचिवको रुपमा रहेर सेवा गरेकी थिइन् ।
२०४१ सालमा सचिव बनेकी किरणले विभिन्न मन्त्रालयको सचिवका रुपमा काम गरेकी थिइन् । उनी २०४६ सालमा सेवा निवृत्त भएकी थिइन् ।
किरण शिक्षा सेवी र सामाजिक व्यक्तित्वका रुपमा समेत परिचित थिइन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
