बलिउड अभिनेता अर्जुन कपुर र अभिनेत्री मलाइका अरोडा पाँच वर्षदेखिको प्रेम सम्बन्धबाट अलग्गिएका छन् । सन् २०१९ मा आधिकारिकरूपमा प्रेम जोडीका रूपमा आफूलाई चिनाएका उनीहरू अब भने अलग्गिएका हुन् ।
प्रेम सम्बन्धमा रहँदा उनीहरू प्रायः सँगै हुन्थे र सामाजिक सञ्जालमा एकअर्काको तस्बिर राख्न छुटाउँदैन थिए । केही समयअघिदेखि भने उनीहरूको सम्बन्धमा दरार आएको समाचार सार्वजनिक भइरहेका थिए ।
भारतीय सञ्चारमाध्यमका अनुसार उनीहरूले अब अलगअलग बाटो लिने निर्णय लिइसकेका छन् । ‘मलाइका र अर्जुनबीच विशेष सम्बन्ध थियो । उनीहरू एकअर्काको हृदयमा विशेष स्थान बनाएर बसेका थिए । अब भने उनीहरूले अलग्गिने निर्णय लिएका छन् । उनीहरूले यसलाई सम्मानजनक अलग भनेका छन् । उनीहरुले कसैलाई पनि आफूहरूको सम्बन्धमा हस्तक्षेप नगर्न आग्रह गरेका छन्’, जोडी निकट स्रोतले भन्यो ।
मलाइका र अर्जुनले सन् २०१९ मा ‘इण्डियाज मस्ट वान्टेड’को स्क्रिनिङ पछि आफ्नो सम्बन्धलाई आधिकारिता दिएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
