भारतीय जनता पार्टी नेतृत्वको एनडिए गठबन्धनको बैठकले नरेन्द्र मोदीलाई तेस्रोपटक प्रधानमन्त्री बनाउने सहमति गरेको छ । बैठकले फेरि एकपटक नरेन्द्र मोदीलाई नेता चयन गरेको भारतीय जनता पार्टीले जानकारी दिएको छ ।
यस बैठकमा नरेन्द्र मोदीसहित कुल २१ नेता सहभागी थिए ।बैठकमा जेपी नड्डा, राजनाथ सिंह, अमित शाह, चन्द्रबाबु नायडू, नितिश कुमार, एकनाथ शिन्दे, एचडी कुमारस्वामी, चिराग पासवान, जीतन राम माझी, पवन कल्याण, सुनील तटकरे, अनुप्रिया पटेल, जयन्त चौधरी, प्रफुल्ल पटेल, प्रमोद बोरो, अतुल बोरा, इन्द्र हङ सुब्बा, सुदेश महतो, राजीव रञ्जन सिंह, सञ्जय झा सहभागी थिए ।
लोकसभा चुनावको नतिजा आएपछि आज नयाँ दिल्लीमा एनडिए घटक पक्षको बैठक बसेको थियो जसमा यो निर्णय गरिएको हो ।
भाजपाले चुनावमा २४० सिट जितेको छ भने एनडिए गठबन्धनले कूल २९२ सिट प्राप्त गरेको छ । सरकार गठनका लागि २७२ सिट आवश्यक पर्छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
