इजरायलले हमासले बन्धक बनाएका चारजना बन्धकलाई जीवितै उद्धार गरेको दाबी गरेको छ । शनिबार आफ्नो सेनाले चारजना बन्धकलाई मुक्त गरेको इजरायलको दाबी छ ।
संयुक्त राष्ट्रसंघले गाजाको शरणार्थी शिविरमा सञ्चालित एक विद्यालयमा भएको घातक आक्रमणको छानबिन गरिरहेको छ । यता, इजरायलले भने सुरक्षा कारबाहीलाई निरन्तरता दिइरहेको छ । सो क्रममा चारजना बन्धकलाई जीवितै रिहा गरिएको इजरायली सेनाको जिकिर छ ।
हमासले नोभा म्युजिक फेस्टिभलबाट ती चारैजनालाई अपहरण गरेको सेनाले जनाएको छ। गत अक्टोबर ७ मा भएको आक्रमणका क्रममा उनीहरू अपहरणमा परेका थिए ।
उद्धार गरिएकामा २५ वर्षीय नोआ अर्गमानी, २१ वर्षीय अल्मोग मेइर जनवरी, २७ वर्षीय आन्द्रे कोज्लोभ र ४० वर्षीया श्लोमी जिभ रहेका छन्।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।