नवौँ संस्करणको आइसिसी टी–२० विश्वकप क्रिकेटमा आयोजक वेस्ट इण्डिजले युगान्डालाई १ सय ७४ रनको लक्ष्य दिएको छ । गयानास्थित प्रोभिडेन्स स्टेडियममा टस जितेर ब्याटिङ रोजेको वेस्ट इण्डिजले निर्धारित २० ओभरमा ५ विकेट गुमाएर १ सय ७३ रन बनायो ।
उसका लागि जोनसन चार्ल्सले ४४, आन्द्रे रसेलले अविजित ३०, कप्तान रोभम्यान पावेलले २३, निकोलस पूरनले २२ र ब्रेण्डन किंगले १३ रन बनाए । युगान्डाका लागि ब्रायन मसाबाले २ ओभरमा ३१ रन दिएर सर्वाधिक दुई विकेट लिए ।
समूह ‘सी’ मा रहेको वेस्ट इण्डिजले पहिलो खेलमा पपुवा न्यूगिनी (पिएनजी) लाई हराएको थियो । ऊ अहिले दुई अंकका साथ तालिकाको दोस्रो स्थानमा छ । यस्तै, युगान्डा दुई अंकका साथ तेस्रो स्थानमा छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
