आइसिसी ट्वान्टी–२० विश्वकपमा भारतले १७.४ र १७.५ ओभरमा लगातार विकेट गुमाएको छ । भारतविरुद्ध पाकिस्तानका ह्यारिस रौफले लगातार दुई बलमा दुई विकेट लिएका छन् ।
आइतबार न्यूयोर्कमा जारी खेलमा टस हारेर ब्याटिङमा आएको रौफले सात रनमा खेलिरहेका हार्दिक पन्ड्या र जसप्रित बुमराहलाई गोल्डेन डकको रुपमा पभेलियन फर्काएका हुन् ।
जारी खेलको १८ ओभर समाप्त हुँदा भारतले नौ विकेट गुमाएर ११३ रन बनाएको छ ।
प्रतियोगिताको समूह ‘ए’ मा रहेका दुवै टिमको यो दोस्रो खेल हो । पहिलो खेलमा आयरल्यान्डविरुद्ध आठ विकेटको सहज जित निकालेको भारत लगातार दोस्रो जितको लक्ष्यमा छ ।
यसअघि पहिलो खेलमा सह–आयोजक अमेरिकाविरुद्ध सुपर ओभरमा अप्रत्याशित हार बेहोरेको पाकिस्तान आज पहिलो जितको खोजीमा छ । पहिलो खेलमा हार बेहोरेका कारण प्रतियोगिताको सुपर–८ पुग्ने सम्भावना बलियो बनाउन पाकिस्तान आज जितको दबाबमा छ ।
भारत दुई अंकसहित तालिकाको दोस्रो र अंकविहीन पाकिस्तान तालिकाको चौथो स्थानमा छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।