गण्डकी प्रदेश सरकारकको नीति तथा कार्यक्रम सार्वजनिक भएको छ। मुख्यमन्त्री सुरेन्द्र पाण्डेले प्रदेशसभाबाट विश्वासको मत पाएको भोलिपल्टै प्रदेश सरकारले नीति तथा कार्यक्रम ल्याएको हो ।
प्रदेश प्रमुख डिल्लीराज भट्टबाट मंगलबार प्रदेशसभामा प्रस्तुत भएको नीति तथा कार्यक्रममा केही पुराना कार्यक्रमलाई निरन्तरता दिइएको छ भने केही नयाँ नारा समावेश गरिएको छ ।
आगामी आर्थिक वर्ष २०८१–०८२ को नीति तथा कार्यक्रममा ‘जनतासँग प्रदेशसभा कार्यक्रम’ भन्ने नयाँ नारा समावेश गरिएको छ। जनतालाई प्रदेश सरकारका गतिविधिसँग जोड्न यो कार्यक्रम ल्याइएको बताइएको छ ।
नीति तथा कार्यक्रममा प्रदेश सभा भवनको निर्माण गर्ने, प्रदेश प्रशासनिक केन्द्र र कर्मचारी आवास केन्द्र बनाउन अध्ययन प्रतिवेदन बनाउने, झोलुंगे पुल निर्माण र मर्मत–सम्भारलाई प्राथमिकता दिने, पोखरामा बहुतले पार्किङ भवन बनाउन प्रोत्साहन गर्नेलगाययत विषय नीति तथा कार्यक्रममा समेटिएको छ ।
पूर्णपाठ
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
