एसिसी महिला एसिया कप खेल्ने नेपाली टोलीको घोषणा भएको छ । बिहीबार नेपाल क्रिकेट संघ (क्यान)ले आगामी महिना श्रीलंकामा हुने एसिया कपका लागि टोलीको घोषणा गरेको हो ।
इन्दु बर्माको कप्तानीमा रहने १५ सदस्यीय टोलीमा रुबिना क्षेत्री, सीता रानामगर, विन्दू रावल, कविता कुँवर, पुजा महतो, कविता जोशी र सम्झना खड्का समेटिएका छन् ।
त्यस्तै काजोल श्रेष्ठ, सब्नाम राई, राजमती ऐरी, ममता चौधरी, किर्तिका मरासिनी, रोमा थापा र डोली भट्ट पनि टोलीमा परेका छन् ।
जुलाई १९ देखि २८ सम्म श्रीलंकामा हुने महिला एसिया कपको उद्घाटन खेलमा समूह ‘ए’ मा रहेको नेपालले युएईको सामना गर्नेछ। यो खेल जुलाई १९ मा हुनेछ ।
नेपालले दोस्रो खेल जुलाई २१ मा पाकिस्तानसँग खेल्नेछ। समूह चरणको अन्तिम खेलमा नेपालले जुलाई २३ मा भारतको समाना गर्नेछ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
