नेपाली कांग्रेस र नेकपा एमालेबीच नयाँ समीकरणका विषयमा लगभग टुंगो लागेको छ । एमालेका नेताहरूसँग छलफल टुंग्याएर कांग्रेस नेताद्वय रमेश लेखक र ज्ञानेन्द्रबहादुर कार्की बूढानीलकण्ठ पुगेका छन् ।
कांग्रेसका लेखक र कार्कीले नेकपा एमालेका नेताहरूसँग सहमतिको मस्यौदा तयार गरेर सभापति देउवालाई भेट्न उनको निवास बुढानीलकण्ठ पुगेका हुन् ।
एमालेसँगको सहमतिको मस्यौदा लगभग तयार भएको र अब सभापति देउवासहित नेताहरू एमाले अध्यक्ष केपी शर्मा ओली निवास बालकोट जाने तयारीमा रहेको कांग्रेस महामन्त्री गगन थापाले जानकारी दिएका छन् ।
नयाँ समीकरण बनाएर संविधान संशोधन गर्ने विषयमा पनि दुई दल सहमति नजिक पुगेका छन् । दुई दलबीच संविधान संशोधन गरेर स्थानीय तहको संख्या घटाउनले विषयमा छलफल भएको छ ।
त्यस्तै, राष्ट्रिय सभामा समानुपातिक व्यवस्था गर्ने, राष्ट्रिय सभा अध्यक्षको जिम्मेवारी उपराष्ट्रपतिलाई दिने, प्रदेशको संख्यामा पुनरवलोकन गर्ने, प्रदेशको समानुपातिक व्यवस्था खारेज गर्ने, प्रदेश प्रमुखलाई केन्द्रबाट तोक्नेलगायत विषयमा छलफल भएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
