इंग्ल्याण्ड युरो कप २०२४ को सेमिफाइनलमा प्रवेश गरेको छ । गएराति सम्पन्न क्वाटरफाइनल खेलमा स्विट्जरल्यान्डलाई टाइब्रेकरमा ५–४ ले हराउँदै इंग्ल्याण्ड सेमिफाइनलमा प्रवेश गरेको हो ।
निर्धारित ९० मिनेट र अतिरिक्त समय पनि १–१ को बराबरीमा सकिएपछि खेल पेनाल्टी सुटआउटमा धकेलिएको थियो । जसमा स्विट्जरल्याण्डका मानुएल आकान्जीको प्रहार इंग्ल्याण्डका गोलरक्षक जोर्डन पिकफोर्डले बचाए ।
स्विट्जरल्याण्डका अन्य खेलाडीले भने गोल गरे । इंग्ल्याण्डका सबै खेलाडी पेनाल्टीमा गोल गरे ।
निर्धारित समस्याको ७५औं मिनेटमा ब्रिल एम्बोलोले गोल गर्दै स्विट्जरल्याण्डलाई अग्रता दिलाएका थिए । ८०औं मिनेटमा इङ्ल्याण्डले खेललाई १–१ को स्थितिमा ल्यायो । डेकलान राइसको पासमा बुकायो साकाले उत्कृष्ट गोल गरे ।
इंग्ल्याण्डले अब सेमिफाइनलमा नेदरल्याण्ड्ससँग खेल्नेछ । नेदरल्याण्ड्सले टर्कीलाई हराउँदै सेमिफाइनलमा स्थान सुरक्षित गरेको छ । यस्तै, अर्को सेमिफाइनलमा फ्रान्स र स्पेन भिड्ने छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
