गत शुक्रबार राति सिमलताल पहिरोमा परी हराइरहेको बसका थप एक यात्रुको शव फेला परेको छ ।
शवको सनाखत हुन भने बाँकी रहेकाे छ । शवलाई भरतपुर अस्पताल ल्याएर पोष्टमार्टम गरिँदै छ ।
भरतपुर महानगरपालिका-२६ शिशुवार क्षेत्रमा नारायणी नदीको किनारमा एक पुरुषको शव भेटिएको हाे ।
योसँगै सिमलताल दुर्घटनामा बेपत्ता बनेका २० जनाको शव भेटिएको छ । जसमध्ये १४ जनाको सनाखत भएर परिवारले शव बुझेर लगेका छन् ।
गत असार २८ गते बिहान नारायणगढ मुग्लिन सडकखण्डअन्तर्गत भरतपुर महानगरपालिका-२९ मा सिमलतालमा पहिरोले दुईवटा यात्रुबाहक बस बगाएको थियो ।
६२ जना यात्रुसहित बस त्रिशूलीमा बेपत्ता भएको थियो । नदीमा अझै ४२ यात्रुको अवस्था अज्ञात छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।