लुम्बिनी प्रदेशका प्रमुख अमिक शेरचनले नयाँ सरकार गठनका लागि आह्वान गरेका छन् । प्रदेश प्रमुख शेरचनले प्रदेशमा नयाँ सरकार गठनका लागि दलहरूलाई सोमबार साँझ ६ः३० बजेसम्मको समय दिएका छन् ।
मुख्यमन्त्री जोखबहादुर महराले आजै दिउँसो सदनलाई सम्बोधन गरेर राजीनामा दिएका थिए । प्रदेश शेरचनले उनको राजीनामा स्वीकृत गर्दै नयाँ सरकारका लागि दाबी पेस गर्न आह्वान गरेका हुन् ।
संविधानको धारा १६८ को उपधारा २ बमोजिमको नयाँ सरकार गठनका लागि आह्वान गरिएको छ । प्रदेश प्रमुखको कार्यालयले जारी गरेको सूचनाअनुसार नयाँ सरकार गठनका लागि एमाले–कांग्रेस गठबन्धनले दाबी गर्ने तयारी गरेका छन् ।
उक्त प्रदेशमा एमालेको नेतृत्वमा नयाँ सरकार बनाउने सहमति दुई दलले गरिसकेका छन् । आइतबार दुई दलको संयुक्त बैठक बसेर एमालेको नेतृत्वमा सरकार गठन गर्ने निर्णय गरेका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
