अमेरिकी प्रहरीले नेपाली नर्स ममता काफ्लेलाई उनकै श्रीमानले नै हत्या गरेर शव लुकाएको अभियोग लगाएको छ ।
भट्टले नै श्रीमतीको हत्या गरेर शव लुकाएको प्रहरीले औपचारिक अभियोग लगाएको स्थानीय सञ्चारमाध्यले बताएका छन् । बिहीबार स्थानीय प्रहरीले घरमा खानतलासी गरेर ममताका श्रीमान नरेश भट्टलाई पक्राउ गरेको थियो ।
प्रहरी प्रमुख मारियो लुगोले सुरुमा ममता बेपत्ता हुनुमा नरेशको हात रहेको बताएकाे थियाे । उनले अनुसन्धानमा प्रहरीलाई सहयोग नगरेको बताएका थिए ।
२८ वर्षीया ममता काफ्ले भट्ट अन्तिमपटक जुलाई ३१ मा देखिएकी थिइन् ।
ममता हराएको एक सातापछि अगष्ट ६ तारिखमा मात्रै उनका श्रीमानले रिपोर्ट गरेका थिए ।
नरेशलाई आज शुक्रबार अदालतमा पेस गर्ने प्रहरीले जनाएको छ । उनीहरूकी एक वर्षीया छोरीलाई समाज सेवा विभागको संरक्षणमा राखिएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
