फिफा विश्वकप २०२६ को दक्षिण अमिरिकी छनोटमा अर्जेन्टिनाले चिलीविरुद्ध सानदार जित निकालेको छ । विश्वकप छनोटको आफ्नो सातौं खेलमा अर्जेन्टिनाले चिलीविरुद्ध ३–० को जित निकालेको हो ।
कोलोम्बियामा भएको खेलमा अर्जेन्टिनाको जितमा एलेक्सिस म्याक एलिस्टर, जुलियन अल्भारेज र पाउलो डिबालाले एक/एक गोल गरे । यस खेलमा अर्जेन्टिनाका नियमित कप्तान लियोनल मेस्सीले भने थिएनन् ।
खेलमा ४८औँ मिनेटमा एलिस्टरले गोल गर्दै अर्जेन्टिनालाई सुरुवाती अग्रता दिलाए । यस्तै, अल्भारेजले ८४औँ मिनेटमा गोल गर्दै अर्जेन्टिनाको २–० ले अघि बढाए ।
यस्तै, दोस्रो हाफको इन्जुरी समयमा गोल गर्दै डिबालाले अर्जेन्टिनालाई ३–० को सानदार जित दिलाए ।
यो जितपछि १० टोली सहभागी छनोटमा अर्जेन्टिना शीर्ष स्थानमा छ । उसले ७ खेलबाट १८ अंक जोडेको छ ।
यस्तै, अर्को खेलमा बोलिभियाले भेनेजुएलालाई ४–० गोलले हरायो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।