श्रीलंका भ्रमणमा रहेको नेपाली क्रिकेट टिमले तेस्रो अभ्यास खेलमा टस हारेर ब्याटिङको मौका पाएको छ । नेपालले तेस्रो एकदिवसीय अभ्यास खेल श्रीलंका डेभलभमेन्ट–११ सँग खेलिरहेको हो ।
आजको खेलमा नेपाली टिमको कप्तानी सोमपाल कामीले गरिरहेका छन् । नेपाल र डेभलभमेन्ट–११ बीचको पहिलो र दोस्रो खेल भारी वर्षाका कारण टससमेत हुन नपाइ रद्द भएका थिए ।
नेपाली टिम आइसिसी विश्वकप लिग–२ सिरिजअघि श्रीलंकामा अभ्यास गरिरहेको हो । लिग–२ सिरिज १६ सेप्टेम्बरदेखि क्यानडामा सुरु हुनेछ ।
आजको खेलमा नेपालको टिम : आसिफ सेख, कुशल भुर्तेल, अनिलकुमार साह, आरिफ सेख, कुशल मल्ल, सन्दीप जोरा, सोमपाल कामी (कप्तान), करण केसी, गुलशन झा, ललितनारायण राजवंशी, आकाश चन्द र सागर ढकाल ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
