नेपाल शैक्षिक परामर्श संघ (इक्यान)ले १५ औँ संस्करणको शैक्षिक मेलाको आयोजना गर्ने भएको छ । सोमबार पत्रकार सम्मेलनको आयोजना गर्दै संघले असाेज ११ गते काठमाडौंको एभरेष्ट होटलमा मेलाको आयोजना गर्न लागेको जानकारी दिइएको हो । विद्यार्थी, अभिभावक तथा अन्य सरोकारवालाले अन्तर्राष्ट्रिय शिक्षा सम्बन्धी सहि जानकारी र परामर्श प्रदान गर्ने उद्देश्यले मेलाको आयोजना गरेको संघले जनाएको छ ।
‘यस शैक्षिक मेलाबाट विद्यार्थी, अभिभावक तथा अन्य सरोकारवालाले अन्तर्राष्ट्रिय शिक्षा सम्बन्धी सही जानकारी र परामर्श पाउन भन्ने अपेक्षासहित मेला आयोजना गर्न लागिएको हो,’संघले जारी गरेको विज्ञप्तिमा भनिएको छ ।
आयोजकले शैक्षिक मेलामा करिब १५ हजारभन्दा बढि विद्यार्थी तथा अभिभावकहरूले अवलोकन गर्ने अपेक्षा राखेको छ । मेलामा सहभागिता जनाउन विभिन्न देशका राजदूतावास तथा कुटनीतिक नियोगहरूलाई समेत आग्रह गरिएको आयोजकले जनाएको छ ।
मेलामा इक्यानका सदस्य संस्थाका शैक्षिक परामर्श व्यवसायीहरू, स्वदेशी तथा विदेशी शैक्षिक संस्थाहरू तथा भारत, चीन, बंगलादेश, श्रीलंका, जापान, फ्रान्स, अमेरिका, बेलायत, न्यूजिल्याण्ड, अष्ट्रेलिया, नर्वे, फिनल्याण्ड, मलेसिया, जर्मन, डेनमार्कलगायत देशका कलेज तथा विश्वविद्यालयका आधिकारिक प्रतिनिधिहरूको सहभागिता जनाउनेछन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
