चीनले अन्तरमहादेशीय ब्यालिस्टिक क्षेप्यास्त्रको परीक्षण प्रक्षेपण गरेपछि त्यसले विश्वलाई चिन्तित गराएको छ ।
बुधबार पहिलो पटक प्रशान्त महासागरमा प्रक्षेपण गरिएको क्षेप्यास्त्रप्रति अन्य देशले विरोध सुरु गरेका छन् । जापानले अग्रिम सूचना नदिइएको बताउँदै बेइजिङको सैन्य विस्तारबारे ‘गम्भीर चिन्ता’ व्यक्त गरेको छ ।
सेप्टेम्बर २५ तारिख ८ बजेर ४४ मिनेटमा चिनियाँ जनमुक्ति सेनाका रकेट सैनिकले प्रशान्त महासागरसम्बन्धित उच्च समुद्रमा अन्तरमहादेशीय ब्यालिस्टिक क्षेप्यास्त्रको सफलतापूर्वक प्रक्षेपण गरेको थियो ।
तर, चिनियाँ रक्षा मन्त्रालयले प्रक्षेपण कार्य रकेट सैनिकको वार्षिक सैन्य प्रशिक्षणको नियमित कार्य भएको जनाएको छ । उक्त प्रक्षेपणबारे चिनियाँ पक्षले सम्बन्धित देशलाई अग्रिम जानकारी गराएको दाबी गरेको छ ।
‘बुधबार चिनियाँ सेनाको रकेट फोर्सले सेप्टेम्बर २५ को बिहान ८:४४ बजे प्रशान्त महासागरको उच्च समुद्रमा एउटा नक्कली वारहेड बोकेको आइसिबिएम प्रक्षेपण गर्यो र क्षेप्यास्त्र अपेक्षित समुद्री क्षेत्रमा खस्यो,’ त्यहाँको रक्षा मन्त्रालयले भनेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
