क्यानडामा जारी टी–२० सिरिजमा नेपालले आज ओमानसँग खेल्दै छ । नेपाल र ओमानबीचको खेल राति ९ः४५ देखि क्यानडाको किंग्स सिटीस्थित मेपल लीफ नर्थवेस्ट ग्राउन्डमा सुरु हुनेछ ।
सिरिजमा नेपाल पहिलो जितको खोजीमा छ । नेपालले पहिलो खेलमा घरेलु टिम क्यानडासँग १४ रनको हार बेहोर्यो । उक्त खेलमा क्यानडाले दिएको १ सय २४ रनको सामान्य लक्ष्य पछ्याएको नेपाल १९ ओभरमा १ सय ९ रनमै समेटियो ।
नेपाल अब दोस्रो खेलमा उत्कृष्ट कमब्याक गर्दै ओमानलाई हराउने सोचमा छ । उता ओमान नेपाललाई फेरि स्तब्ध पार्दै श्रृंखलामा विजयी सुरुवात गर्न चाहन्छ ।
हालसम्म नेपाल र ओमानले टी–२० आईमा ६ खेलमा एकअर्काको सामना गरेका छन्, जसमा दुवै टिमले तीन/तीन खेल जितेको विगत छ ।
नेपाल र ओमानले पछिल्लोपटक ५ नोभेम्बर २०२३ मा खेलेका थिए । उक्त खेलमा नेपाल सुपर ओभरमा पराजित भएको थियो ।
नेपाल आज उक्त हारको बदला लिँदै लयमा फर्किन पूरा कोसिस गर्नेछ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
