ला लिगामा रियल मड्रिडले भिल्लारियलविरुद्ध सहज जित निकालेको छ । गएराति सम्पन्न खेलमा रियलले भिल्लारियलविरुद्ध २–० को जित निकालेको हो ।
घरेलु मैदानमा भएको खेलमा रियलको जितमा फेडेरिको भल्भर्डो र भिनिसियस जुनियरले समान एक/एक गोल गरे ।
खेलको १४औँ मिनेटमा भल्भर्डोको गोलमा रियलले सुरुवाती अग्रता पायो । ७३औँ मिनेटमा भिनिसियस जुनियरले गोल गर्दै रियललाई २–० ले जित दिलाए । यो जितपछि साबिक विजेता मड्रिडले बार्सिलोनासँगको अंक बराबरी गरेको छ ।
जारी सिजनको ला लिगामा अपराजित रहेको रियलले ९ खेलमा ६ जित र तीमा बराबरीसहित २१ अंक जोडेको छ । दोस्रो स्थानमा रहेको रियलले शीर्ष स्थानको बार्सिलोनाभन्दा एक खेल बढी खेलेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
