संयुक्त राष्ट्र संघले दक्षिणी लेबनानमा शान्ति सेनाको आधार शिविरमा इजरायलट्ठ सेना जबरजस्ती प्रवेश गरेको आरोप लगाएको छ । यस घटनाले लेबनानमा संयुक्त राष्ट्र अन्तरिम बल र इजरायली सेनाबीच मुठभेडका घटनाहरू बढ्न सक्ने आशंका उत्पन्न भएको छ ।
युनिफिल (संयुक्त राष्ट्र अन्तरिम बल लेबनान) का अनुसार आइतबार इजरायली सेनाको ट्याङ्कले मुख्य गेट तोडेर गोली चलाएको थियो, जसका कारण शिविर धुवाँले भरिएको थियो । यस घटनामा १५ शान्ति सैनिकलाई छालाको जलन र पेटसम्बन्धी समस्या भएको छ ।
यद्यपि, आइडीएफ (इजरायली रक्षा बल) ले भने आफ्ना घाइते सैनिकहरूलाई बाहिर निकाल्न युनिफिलको पोजिसनमा प्रवेश गरेको बताएको छ । इजरायलले बारम्बार शान्ति सैनिकहरूलाई दक्षिणी लेबनानका क्षेत्रहरूबाट फिर्ता हुन आग्रह गर्दै आएको छ, तर युनिफिलले अहिलेसम्म इजरायलका यी अनुरोधहरूलाई अस्वीकार गर्दै आएको छ ।
अहिले करिब ५० देशका लगभग १० हजार संयुक्त राष्ट्र शान्ति सैनिक लेबनानमा तैनाथ छन्, जसमा करिब ८०० नागरिक पनि समावेश छन् । १९७८ देखि यी सैनिकहरूले लितानी नदी र ‘निलो रेखा’ बीच गस्ती गर्दै आएका छन् । लेबनान र इजरायल बीच संयुक्त राष्ट्रले मान्यता प्राप्त सीमालाई ‘ब्लू लाइन’ भनिन्छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
