न्यूजिल्याण्ड महिला टी–२० विश्वकप क्रिकेटको सेमिफाइनल प्रवेश गरेको छ । यूएईमा गएराति सम्पन्न समूह चरणको अन्तिम खेलमा पाकिस्तानलाई ५४ रनले हराउँदै न्यूजिल्याण्ड सेमिफाइनलमा प्रवेश गरेको हो ।
न्यूजिल्याण्डले चारमध्ये तीन खेलमा जितसहित ६ अंक बटुलेर अन्तिम चारमा स्थान बनायो । न्यूजिल्याण्डको जितसँगै पाकिस्तान र भारत प्रतियोगिताको समूह चरणबाट बाहिरिएका छन् ।
समूह चरणको अन्तिम खेलमा पहिला ब्याटिङ गरेको न्यूजिल्याण्डले ६ विकेट गुमाएर १ सय १० रन बनायो । जवाफी ब्याटिङमा आएको पाकिस्तान ११.४ ओभरमा ५६ रनमै अलआउट भयो ।
उसका लागि कप्तान फतिमा सानाले २१ र ओपनर मुनिबा अलीले १५ रन बनाउनु बाहेक अन्यले दोहोरो अंकको स्कोर बनाउन सकेनन्।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
