कप्तान लियोनल मेस्सीको सानदार प्रदर्शनमा फिफा विश्वकप २०२६ छनोटमा अर्जेन्टिनाले बोलिभियालाई ६–० गोल अन्तरले हराएको छ ।
बुधबार बिहान घरेलु मैदानमा सम्पन्न खेलमा अर्जेन्टिनाको जितमा कप्तान मेस्सीले ह्याट्रिक गरे । साथै, उनको नाममा दुई असिस्टसमेत रह्यो ।
मेस्सीले पहिलो हाफमा एक तथा दोस्रो हाफमा दुई गोल गरेका हुन् । उनले खेलको १९, ८४ र ८६औँ मिनेटमा गोल गरे । यस्तै, लौटारो मार्टिनेज, जुलियन अल्भारेज र थिअगो अल्माडाले समान एक गोल गरे ।
दक्षिण अमेरिकी छनोटमा अर्जेन्टिना शीर्ष स्थानमा छ । १० खेल खेल्दा सातमा जित निकालेको अर्जेन्टिनाले २२ अंक जोडेको छ ।
समान खेलबाट १९ अंक जोडेको कोलम्बिया दोस्रो स्थानमा छ । १२ अंक जोडेको बोलिभिया सातौं स्थानमा छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
