लुम्बिनी लायन्सले नेपाली फिल्मका अभिनेता राजेश हमाललाई आफ्नो टोलीको ब्रान्ड एम्बेसडरमा नियुक्त गरेको छ ।
स्वामित्व फर्चुन हेल्थ केयर प्रालिको स्वामित्वमा रहेको लुम्बिनीले सोमबार राजधानीमा पत्रकार सम्मेलनको आयोजना गर्दै हमाललाई ब्रान्ड एम्बेसडरमा नियुक्त गरेको जनाएको हो ।
हमालले लुम्बिनीसँग आबद्ध हुन पाउँदा खुशी लागेको उल्लेख गर्दै टिमले यस सिजनमा राम्रो प्रदर्शन गर्ने आशा रहेको बताए ।
‘नेपाल क्रिकेट एकताबद्ध भएर लागेकोमा खुसी लागेको छ । सबै पदाधिकारीहरूलाई समेत धन्यवाद दिन चाहन्छु । सबै टिमहरूलाई सफलताको शुभकामनासमेत दिन चाहन्छु । अब हेरौँ लायन्सले कत्तिको रोयर गर्छ ? लायन्ससँग जोडिन पाउँदा एकदम खुसी छुँ,’ उनले भने ।
लुम्बिनीको ‘मार्की प्लेयर’ मा राष्ट्रिय क्रिकेट टिमका कप्तान रोहितकुमार पौडेल रहेका छन् । नेपाल क्रिकेट संघ क्यानद्वारा आयोजित नेपाल प्रिमियर लिग १५ मंसिरदेखि ६ पुससम्म आयोजना हुँदैछ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
