अग्रता जोगाउन नसक्दा साउदी प्रो लिगमा अल कादसियाविरुद्ध अल नासर २–१ ले पराजित भएको छ । शुक्रबार राति किङ्ग साउदी युनिभर्सिटी स्टेडियममा भएको खेलमा अल नासरले सुरुवाती अग्रता लिएको थियो ।
खेलको ३२औँ मिनेटमा कप्तान क्रिस्टियानो रोनाल्डोले गोल गर्दै अल नासरलाई १–० को अग्रता दिलाए । तर, त्यसको पाँच मिनेटपछि अल कादसियाका जुलियन क्विनोन्सले गोल गर्दै खेल १–१ गोलको बराबरीमा ल्याए ।
खेलको ५०औँ मिनेटमा पियरे एमरिक ओबामेयाङ्गले गोल गर्दै अल कादसियालाई २–१ को पुनरागमन जित दिलाए । यो जितपछि अल कादसिया ११ खेलबाट २२ अंकका साथ लिगको पाँचौँ स्थानमा छ ।
पराजित अल नासर समान खेलबाट २२ अंकका साथ लिगको तेस्रो स्थानमा छ । शीर्ष स्थानमा रहेको अल हिलालले १० खेलबाट २८ अंक जोडेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
