भारतीय क्रिकेटर केएल राहुलले आसन्न सिजनको इण्डियन प्रिमियर लिग (आइपिएल) दिल्ली क्यापिटल्सबाट खेल्ने भएका छन् । आइतबार भएको अक्सनमार्फत उनी १४ करोड भारुमा दिल्लीमा जोडिए ।
गत सिजनमा राहुलले लखनउ सुपर जायन्ट्सबाट आइपिएलबाट खेलेका थिए । यस्तै, भारतीय स्पिनर युजवेन्द्र चहल १८ करोड भारुमा पञ्जाब किंग्समा अनुबन्ध भए । चहलले गत सिजन राजस्थान रोयल्सबाट खेलेका थिए ।
यस्तै, पञ्जाबले श्रेयस अय्यरलाई २६ करोड ७५ लाख भारुमा अनुबन्ध गर्यो । गत सिजन कोलकाता नाइट राइडर्सबाट खेलेका उनले २ करोड भारु न्यूनतम् मूल्य राखेका थिए ।
अर्का भारतीय क्रिकेटर ऋषभ पन्तले आइपिएलमा ऐतिहासिक मूल्य पाए । उनी लखनउ सुपर जायन्ट्समा २७ करोड भारुमा बिक्री भए ।
योसँगै उनले केही मिनेटमै श्रेयस अय्यरको रेकर्ड तोडे । त्यस्तै, इंग्ल्याण्डका क्रिकेटर जोस बटलरले गुजरात टाइटन्सबाट आइपिएल खेल्ने भएका छन् । अक्सनमार्फत उनलाई गुजरातले १५ करोड ७५ लाख भारुमा किन्यो ।
बटलरले यसअघि लामो समय राजस्थान रोयल्सबाट आइपिएल खेलेका थिए । तर, यसपालि भने राजस्थानले उनलाई रिलिज गरेको थियो । यसपटकको आइपिएल अक्सनमा नेपालबाट भने कुनै पनि खेलाडीले नाम दर्ता गराएका छैनन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
