काठमाडौंमा जारी नेपाल प्रिमियर लिग (एनपिएल) अन्तर्गत आफ्नो पहिलो खेलमा भारतीय स्टार क्रिकेटर शिखर धवन सस्तैमा आउट भएका छन् । कर्णाली याक्समा आबद्ध उनी १४ रनमै आउट भएका हुन् ।
कीर्तिपुरस्थित त्रिवि मैदानमा जारी खेलमा धवनले १४ बलमा १४ रनमा मात्र जोडे । उनलाई क्यानडाका स्पिनर हर्ष ठाकरले बोल्ड गरे । धवनले १४ रनको पारीमा तीन चौका मात्र प्रहार गर्न सके ।
टस जितेर ब्याटिङको मौका पाएको कर्णालीले यो समाचार तयार पार्दासम्म ६ ओभरमा २ विकेट गुमाएर ३१ रन बनाएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
