सिद्धार्थ बैंक नेपाल प्रिमियर लिग (एनपिएल) मा आज पनि दुईवटा खेल हुँदै छन् । आज हुने पहिलो खेलमा सन्दीप लामिछानेको कप्तानीको विराटनगर किंग्स र दीपेन्द्रसिंह ऐरि नेतृत्वको सुदूरपश्चिम रोयल्स प्रतिस्पर्धा गर्ने छन् ।
यी दुई टोली बीचको खेल बिहान ९ बजे कीर्तिपुरस्थित टियु क्रिकेट मैदानमा सुरु हुनेछ । पहिलो खेलमा जनकपुर बोल्ट्ससँग ८ विकेटले पराजित विराटनगर पहिलो जितको खोजीमा छ ।
सुदूरपश्चिम भने पहिलो खेल खेल्दैछ । ऊ जितका साथ लिगको सुरुवात गर्ने लक्ष्यमा छ । आजै हुने दोस्रो खेलमा चितवन राइनोज र पोखरा एभेन्जर्स भिड्ने छन् । दुईबीचको खेल दिउँसो १ बजे टियु मैदानमै सुरु हुनेछ ।
कुशल मल्लको कप्तानीमा रहेको चितवन लगातार दोस्रो जितको खोजीमा छ । उसले पहिलो खेलमा काठमाडौं गुर्खाजलाई ५ विकेटले हराएको थियो ।
कुशल नेतृत्वको पोखरा भने पहिलो म्याच खेल्दैछ । ऊ चितवनलाई हराउँदै लिगमा विजयी सुरुवात गर्ने सोचमा छ । ६ पुससम्म चल्ने एनपिएलमा ८ वटा टिमको सहभागिता छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
