गायक एकदेव लिम्बूको नयाँ गीत ‘झिम झिमाउने आँखा’ले विश्वव्यापी सफलता हासिल गरिरहेको छ । यो गीत युट्युबको नेपाल ट्रेन्डिङको शीर्षस्थानमा छ ।
बुधबार नेपालसहित अष्ट्रेलिया, यूएई, बेलायत र कतारमा पनि युट्युब ट्रेन्डिङमा छ । बुधबार मात्र यो नेपाली गीत उक्त चार्ट्समा प्रवेश गरेको छ ।
विदेशी मुलुकमा समेत ट्रेन्डिङमा भएकाले यो गीत चार्टबस्टरको माथि उक्लिन सक्ने आकलन गरिएको छ । बेलायतको चार्टबस्टरमा ९३ औँ स्थानमा छ । अष्ट्रेलिया र यूएईमा तीन दिनदेखि लगातार ट्रेन्डिङमा छ ।
लिम्बूको शब्द, गायन र संगीत रहेको गीतलाई बुधबारसम्म २८ लाखभन्दा धेरै पटक हेरिएको छ । गीतको भिडियोमा लिम्बूसहित दिकिला शेर्पा र उपासना सिंह ठकुरीको अभिनय छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
