नेपाली कांग्रेसका सभापति एवं पूर्वप्रधानमन्त्री शेरबहादुर देउवाले उपराष्ट्रपतिलाई संविधान संशोधन गरेर राष्ट्रिय सभाको अध्यक्ष बनाउन सकिने बताएका छन् ।
२२ मंसिरमा विराटनगरमा हुने नेपाली कांग्रेसको कोशी प्रदेश सम्मेलनलाई सम्बोधन गर्न शुक्रबार विराटनगर आइपुगेका सभापति देउवाले सो कुरा बताएका हुन् ।
उनले संविधान संशोधन दलीय सहमतिमा गरिने बताउँदै संशोधनका लागि दुई तिहाइ बहुमत आवश्यक पर्ने भएकोले सहमतिबिना असम्भव रहेको उल्लेख गरे ।
नेता शेखर कोइराला पक्षले गरेको भेलाका बारेमा सोधिएको प्रश्नमा देउवाले भेलाबारे जानकारी नभएको जवाफ दिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
