विश्व प्रसिद्ध भारतीय तबलावादक तथा पद्मविभूषण उस्ताद जाकिर हुसेनको निधन भएको छ । उनी इडियोप्याथिक पल्मोनरी फाइब्रोसिसबाट पीडित थिए ।
‘उनी पछिल्लो दुई सातादेखि सान फ्रान्सिस्कोको अस्पतालमा भर्ना भएका थिए,’ भारतीय मिडियाले उनका परिवारलाई उद्धृत गर्दै लेखेका छन् ।
जाकिरको जन्म ९ मार्च १९५१ मा मुम्बईमा भएको थियो । उनलाई सन् १९८८ मा पद्मश्री, २००२ मा पद्मभूषण र २०२३ मा पद्मविभूषण प्रदान गरिएको थियो ।
उनका पिताको नाम उस्ताद अल्लाहराखा कुरैशी र आमाको नाम बावी बेगम थियो । जाकिरका बुबा अल्लाह राखा पनि तबला वादक थिए । जाकिरले आफ्नो प्रारम्भिक शिक्षा मुम्बईको माहिमको सेन्ट माइकल स्कुलबाट गरेका थिए ।
मुम्बईको सेन्ट जेभियर कलेजबाट स्नातक गरेका हुसेनले ११ वर्षको उमेरमा अमेरिकामा आफ्नो पहिलो कन्सर्ट गरेका थिए । सन् १९७३ मा उनले आफ्नो पहिलो एल्बम ‘लिभिङ इन द मटेरियल वर्ल्ड’ सार्वजनिक गरेका थिए ।
हुसेनले सन् २००९ मा आफ्नो पहिलो ग्रामी पुरस्कार प्राप्त गरेका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
