मलेसियामा जारी एसिसी यू–१९ महिला एसिया कपअन्तर्गत नेपाल बंगलादेशबीचको खेलमा पनि वर्षा बाधक बनेको छ ।
मलेसियाको बायोमास ओभल क्रिकेट मैदानमा ११ः१५ मा हुनुपर्ने टस भइसक्नुपर्ने हो । तर, पानी परेका कारण अहिलेसम्म टस हुन सकेको छैन ।
फाइनल पुग्न नेपालका लागि आजको खेल महत्वपूर्ण छ । यदि वर्षाका कारण बंगलादेशसँग अंक बाँडेमा नेपाल फाइनल पुग्ने छैन ।
फाइनल पुग्न बंगलादेशविरुद्ध नेपाल जित्नैपर्ने दबाबमा छ । बंगलादेश भने वर्षाका कारण खेल रद्द भएमा नेट रन रेटमा नेपालभन्दा माथि रहँदै फाइनल पुग्नेछ ।
समूह चरणको पहिलो खेलमा नेपालले पाकिस्तानमाथि ६ विकेटको जित निकालेको थियो ।
भारतसँग भने नेपालले वर्षाका कारण अंक बाँड्यो । समूह चरणमा उपविजेता बन्दै सुपर चारमा पुगेको नेपालले बिहीबार श्रीलंकासँगसमेत वर्षाका कारण अंक बाँडेको थियो ।
फाइनल खेल आइतबार हुने तालिका छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
