सुदूरपश्चिम रोयल्सका कप्तान दीपेन्द्र सिंह ऐरीले पहिलो संस्करणको नेपाल प्रिमियर लिग (एनपिएल) मा कार उपहार पाएका छन् । एनपिएल अवधिभर उत्कृष्ट प्रदर्शन गरेको भन्दै उनलाई ओमोडा कम्पनीको ६२ लाख पर्ने कार उपहार दिइएको हो ।
क्यानले एनपिएलमा उत्कृष्ट प्रदर्शन गर्ने नेपाली खेलाडीलाई कार दिने घोषणा गरेको थियो । सोहीअनुसार दीपेन्द्रले कार जितेका हुन् । लिगमा दीपेन्द्रले ९ खेलमा २२७ रन तथा सात इनिङ्समा ९ विकेट लिए ।
उनले फिल्डिङमा पनि उत्कृष्ट प्रदर्शन गरे । यद्यपि फाइनलमा भने दीपेन्द्र नेतृत्वको सुदूरपश्चिम जनकपुर बोल्ट्ससँग ५ विकेटले पराजित भएर उपाधि जित्न चुक्यो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
