चितवन राष्ट्रिय निकुञ्जको टोलीले गैँडाको खाग तस्करहरूलाई पक्राउ गर्न हेटौंडामा ५ राउन्ड हवाई फायर गरेको छ । खाग तस्करमा संलग्न ८ जनाकाे टोली हेटौंडामा रहेको विशेष सूचनाको आधारमा त्यहाँ पुगेकाे निकुञ्जमा कार्यरत सेनाको टोलीले तस्करहरूलाई पक्राउ गर्न हवाई फायर गरेको हो ।
तस्करीमा संलग्न एक जनालाई पक्राउ गरिएको जिल्ला प्रहरी कार्यालय मकवानपुरले जनाएको छ । सेनालाई देखेपछि भाग्न खोजेका तस्करलाई नियन्त्रणमा लिन हवाई फायर गरिएको प्रहरीले जनाएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
