दक्षिण कोरियामा भएको विमान दुर्घटना हुँदा मृत्यु हुनेको संख्या ६२ पुगेको छ ।
१ सय ८१ जना सवार विमान आज बिहान अवतरणका क्रममा दुर्घटना हुँदा अहिलेसम्म ६२ जनाको मृत्यु भएको विभिन्न अन्तर्राष्ट्रिय सञ्चारमाध्यमले जनाएका छन् ।
दक्षिण कोरियाली समाचार एजेन्सी योनहापका अनुसार उद्धार कार्य जारी रहेको छ । केही व्यक्तिको जीवितै उद्धार गरिएको छ ।
थाल्याण्डको बैंककबाट १ सय ७५ यात्रु र चालक दलका ६ सदस्यसहित फर्किएको जेजु एयरको जहाज मुआन अन्तर्राष्ट्रिय विमानस्थलमा अवतरण हुन लाग्दा रन–वेमा चिप्लिएर विमानस्थलको बारमा ठोक्किन पुगेको थियो ।
विमानको ल्याण्डिङ गेयरमा समस्या आउँदा दुर्घटना भएको अनुमान गरिएको योनहाप समाचार एजेन्सीले उल्लेख गरेको छ । घाइते अवस्थामा उद्धार गरिएकालाई अस्पताल भर्ना गरिएको छ ।
घाइते केहीको अवस्था गम्भीर रहेकाले मृतकको संख्या अझै बढ्न सक्नेछ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
