जय ट्रफी मेन्स एलिट कप क्रिकेट प्रतियोगिताका लागि बागमती प्रदेशको अन्तिम टिम घोषणा भएको छ । बागमती प्रदेश क्रिकेट संघले बिहीबार स्पिनर सन्दीप लामिछानेको कप्तानीमा १५ सदस्यीय अन्तिम टिम घोषणा गरेको हो ।
प्रारम्भिक टोलीमा रहेका रोविन जोशी, अशोक पौडेल र दयानन्द मण्डल भने बाहिरिएका छन् । नेपाल क्रिकेट संघ (क्यान) को आयोजनामा हुन लागेको जय ट्रफी पुस २१ देखि २९ गतेसम्म मधेश प्रदेशको जनकपुर र वीरगञ्जमा हुनेछ ।
जय ट्रफीमा २०२४ मा भएको प्रधानमन्त्री कप राष्ट्रिय एकदिवसीय क्रिकेट प्रतियोगिताका शीर्ष चार टोलीले सहभागिता जनाउने छन्, जसमा नेपाल पुलिस क्लब, त्रिभुवन आर्मी क्लब, बागमती तथा मधेश प्रदेश रहेका छन् ।
सिङ्गल राउण्ड रोबिन लिगका आधारमा सञ्चालन हुने प्रतियोगिताका शीर्ष २ टोलीबीचमा फाइनल हुनेछ । लिग चरणका खेल दुई दिवसीय र फाइनल तीन दिवसीय ढाँचामा खेलाइने क्यानले जनाएको छ ।
बागमतीको टिम :
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
