जय ट्रफी मेन्स एलिट कपको चौथो खेलमा त्रिभुवन आर्मी क्लबविरुद्ध बागमती प्रदेशले टस जितेर फिल्डिङ गरिरहेको छ ।
आर्मी र बागमतीबीचको खेल जनकपुरको रामजानकी मल्टिप्रपोज ग्राउन्डमा भइरहेको हो । यो समाचार तयार पार्दासम्म आर्मीले ५ ओभरमा बिनाविकेट १५ रन बनाएको छ ।
आर्मीले पहिलो खेलमा पुलिस तथा बागमतीले प्रदेश प्रदेशसँग ड्र खेलेका थिए ।
यस्तै, आज भइरहेको अर्को खेलमा विभागीय नेपाल पुलिस क्लबविरुद्ध मधेश प्रदेशले टस हारेर ब्याटिङ गरिरहेको छ । यी दुई टिमबीचको खेल वीरगञ्जको नारायणी क्रिकेट ग्राउन्डमा भइरहेको हो ।
खेलमा मधेशले ६ ओभरमा एक विकेट गुमाएर २५ रन बनाएको छ । मधेशको ओपनिङमा रहेका मयन यादव भने क्रिजमै छन् ।
उनले पहिलो खेलमा बागमती प्रदेशविरुद्ध १०६ रनको शतकीय पारी खेलेका थिए । मयनको शतकका बाबजुद मधेश र बागमतीबीचको खेल ड्र भयो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
