बलिउड अभिनेता सलमान खानको घरमा बुलेटप्रुफ सिसा राखिएको छ । असुरक्षा बढेको महसुस गरेपछि उनले घरमा बुलेटप्रुफ सिसा राखेका हुन् ।
गत वर्ष अप्रिलमा सलमानको मुम्बईस्थित ग्यालेक्सी अपार्टमेन्ट बाहिर गोली प्रहार गरिएको थियो । त्यतिबेलादेखि उनको घरमा थप सुरक्षा बढाइएको छ ।
असुरक्षा बढेपछि सलमान बालकनीमा समेत आउँदैन थिए । बुलेटप्रुफ सिसा राखिएपछि भने उनी बालकनीबाट इदमा फ्यानलाई अभिवादन गर्नेछन् ।
अहिले सलमानको अपार्टमेन्ट बाहिर मर्मतको काम चलिरहेको छ । हाल उनी आगामी फिल्म ‘सिकन्दर’ को छायांकनमा व्यस्त छन् । यो चलचित्र इदको अवसरमा रिलिज गर्ने तयारी छ ।
फिल्ममा उनीसँगै रश्मिका मन्दानाको मुख्य भूमिका छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
