बार्सिलोनाले स्पेनिस सुपर कपको फाइनलमा स्थान बनाएको छ ।
साउदी अरबको जेद्दामा बुधबार राति सम्पन्न खेलमा एथलेटिक क्लबलाई २–० ले हराउँदै बर्सिलोनाले फाइनलमा स्थान बनाएको हो ।
बार्सिलोनाको जितमा गाभी र लामिन यमलले गोल गरे । खेलमा गाभीले १७ औँ मिनेटमा गोल गर्दै बार्सिलोनालाई अग्रता दिलाएका थिए । ५७ औँ मिनेटमा यमलले गोल गर्दै बार्सिलोनालाई उपाधि नजिक पुर्याए ।
अब उपाधिका लागि बार्सिलोनाले अर्को सेमिफाइनलको विजेताको सामना गर्नेछ ।
दोस्रो सेमिफाइनलमा रियल मड्रिड र मालोर्का खेल्ने तालिका छ । यी दुईबीचको खेल बिहीबार राति हुँदैछ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
