स्पेनिस सुपर कप २०२५ को उपाधि बार्सिलोनाले जितेको छ ।
आइतबार राति साउदी अरबको जेद्दामा सम्पन्न फाइनलमा चिरपरिचित प्रतिद्वन्द्वी रियल मड्रिडलाई ५–२ ले हराउँदै बार्सिलोनाले १५ औँपटक स्पेनिस सुपर कपको उपाधि जितेको हो ।
योसँगै बार्सिलोनाले गत संस्करणको हारको बदला लियो । गत संस्करणको स्पेनिस सुपर कप फाइनलमा मड्रिडविरुद्ध बार्सिलोना ४–१ ले पराजित भएको थियो । मड्रिडले भने उक्त प्रदर्शन दोहोर्याउन सकेन ।
यस खेलमा किलियन एमबाप्पेले पाँच मिनेटमै गोल गर्दै रियललाई सुरुआतमै अग्रता दिलाए । तर, बार्सिलोनाले राफिन्हाको दुई तथा लामिन यमल, रोबर्ट लेवान्डोव्स्की र एलेजान्ड्रो बाल्डेको एक/एक गोलमा पुनरागमन जित निकाल्न सफल भयो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
